📌Жамбыл аудандық орталық ауруханасының «Балалар бөлімінің» қызметкерлері аналарға нәрестені дұрыс емізу тәртібі, сәбиді бақылау техникасы туралы және алғашқы өмір жайында орын алатын кезеңдер бойынша маңызды әрі қызықты ақпараттармен бөлісіп, түсіндіру жұмыстарын жүргізді.
📌Бала өмірінің алғашқы жылы — нарестенiң жаңа өмiр жағдайларына, тағамның жаңа түрiне үйренуiмен, қоршаған ортадан мол ақпарат ағынын алуымен сипатталатын өте қиын кезең. Баланың барлық ағзалары мен жүйелерiнiң қалыпты жұмыс істеуін қамтамасыз ету үшін аналардың сәбиді дұрыс тамақтандыруы, бала мен ана арасындағы қарым-қатынас және оған күтім жасау жөнiндгі ережелердi сақтауға тиіс.
📌Баланы омырау сүтімен емізу әр сәби үшін аса маңызды:
Ана сүтi нәр береді әрі баланың өсуі мен дамуына ықпал етеді. Сондай-ақ баланы дүниеге келген сәттен бастап көптеген вирустық және бактериялык инфекциялардан қорғайды.
📌Ана сүтiнде сәбиге қажет маңызды нәрлі заттардың бәрі бар. Сәби туғаннан бастап анасының уызын емеді, аз ғана бiр тоярлык мөлшерде болғанымен, оның құрамы калориялы жане иммунды заттардың мөлшерімен барабар заттардан тұрады. Тек ана сүтін ему дегенiмiз баланың басқа қосымша тамақ, су немесе сұйық ішпей, тек ана омырауын емуiн бiлдiредi. Сәби үшін ана сүтімен тамақтану маңызды.
Асет Калиев
