Өңірлік коммуникациялар қызметінің ақпарат алаңында облыс әкімінің орынбасары Сұлушаш Құрманбекова баспасөз конференциясын өткізді. Жиында Сұлушаш Сәтбекқызы Жамбыл облысының әлеуметтік-экономикалық дамуына тоқталып, жыл басынан бері істелген жұмыстың нәтижесі жайлы сөз қоғады.
Баяндама барысында облыс әкімінің орынбасары облыстағы атаулы әлеуметтік көмек тағайындау жұмыстары, жастар саясатының аяқ алысы, «Рухани жаңғыру» бағдарламасының орындалуы, білім беру, жастар кәсіпкерлігін дамыту және латын графикасына көшіру ісінің нәтижесімен егжей-тегжейлі таныстырып өтті.
Сонымен қатар, Жамбыл облысының 80 жылдығына орай атқарылып жатқан жұмыстардан да тілшілерді хабардар етті.
