Солтүстік Қазақстан облысында 58 жастағы ауыл тұрғыны әйелін атып өлтіріп, немересін жарақаттаған,
«10 мамырда сағат 17:15-те облыстық полиция департаментінің Тимирязево аудандық полиция бөліміне ауылдағы үйлердің бірінде оқ атылғаны туралы хабарлама келіп түсті. Оқиға орнына жеткен полиция 1962 жылғы әйелдің мәйітін тапты. Сондай-ақ Тимирязевск аудандық ауруханасына 2007 жылғы қарудан жарақат алған қыз түскен», — деді ПД өкілдері.
Кейіннен анықталғандай, ішімдікке сылқия тойып алған 1962 жылғы азамат пен әйелінің арасында жанжал туған, оның соңы атысқа ұласқан. Жарақат алған әйел сол мезетте көз жұмған.
Бұған қоса, үйде күдіктінің немере қызы болған. Оған да оқ тиіп, ауруханаға түскен.
Қазіргі таңда күдіктінің үстінен «Кісі өлтіру» және «Адам өлтіру әрекеті» баптары бойынша іс қозғалған. Әйелін атып өлтірген азамат уақытша тергеу изоляторына қамауға алынған.
