Әлеуметтік желіде Алматыдағы тәртіпсіздіктер кезінде қала әкімі Бақытжан Сағынтаевтың кортежіне жасалған шабуыл видеосы жарияланды, — деп хабарлайды Tengrinews.kz тілшісі.
Видео шабуыл жасалған сәтте көлік ішінен түсірілген. Кадрлардан кенеттен көлікке белгісіз біреулер оқ жаудырғаны көрінеді және атыс анық естіледі. Осы сәтте көліктер кері бұрылып, қашуды ұйғарады.
Алматы қаласы әкімдігінің баспасөз қызметі видео 2022 жылы 6 қаңтарда түсірілгенін растады.
«Тергеу іс-шаралары жүргізілуіне байланысты қосымша ақпаратты жариялауға тыйым салынады», — делінген әкімдіктің баспасөз хабарламасында.
https://kaz.tengrinews.kz/kazakhstan_news/sagyintaevtyin-kortejne-jasalgan-shabuyil-videoga-tusp-332553/
