Өнідіріс ауылында ауыл әкімінің сайлауы жоғары деңгейде өтіп жатыр. Осы ретте, жергілікті тұрғындар саяси науқаннан қалыс қалмай, өз таңдауларын жасап, маңызды күнде дауыс беруде.
Маңызды күнде дауыс беру учаскелеріне отбасылармен бірге дауыс бергендердің үлесі жоғары. Олардың қатарында Беріковтер отбасы бар. Шаңырақ иелері ауыл үшін маңызды күнде балаларымен бірге келіп, таңдауларын жасады: — Біз әрдайым сайлауға балаларымызды бірге апарамыз. Себебі өңір үшін маңызды күннен тысқары қалуға болмайды. Ауылымыздың дамуы өзіміз үшін керек. Туған жерін шексіз қадірлейтін азаматтар бақ сынап жатқан сәтте өз таңдауымызды жасауымыз керек. Бұл біздің шаңырақта дәстүрге айналды, – дейді Беріковтер отбасының тірегі.
