Ауданда 23 маусым – Мемлекеттік қызметшілер мен Қазақстан полициясы күні және 24 маусым – Судья және сот қызметкері күні кәсіби мерекелеріне арналған салтанатты жиын өтті. Салтанатты жиын Мемлекеттік Гимн орындаумен басталды.
Жиында аудан әкімі Мұртаза Жалғас Алижанұлы мемлекеттік қызметшілерді, ішкі істер органдарының қызметкерлерін және сот қызметкерлерін кәсіби мерекелерімен құттықтап, жылы лебізін білдірді.
Мемлекеттік қызметтегі жемісті еңбегі және міндеттерін үлгілі орындағаны үшін Мемлекеттік қызметші Айнұр Сапарбекқызы мен Мемлекеттік қызметшілердің ата-аналары берген жоғары тәлім-тәрбиесі мен өнегесі үшін Жамбыл облысы әкімінің Алғыс хаттарымен марапатталды.
Ауданның әлеуметтік-экономикалық дамуына қосқан қомақты үлесі үшін бірқатар Мемлекеттік қызметшілер Жуалы ауданы әкімінің Құрмет грамотасымен және Алғыс хатымен марапатталды.
Қоғамдық тәртіпті қамтамасыз ету жолындағы еңбегі мен қызметтік міндеттерін үлгілі орындағаны үшін полиция қызметкерлері Жуалы ауданы әкімінің Алғыс хатымен марапатталды.
Қоғамда әділдік орнататын – сот жүйесінің дамуы жолындағы еңбегі мен қызметтік міндеттерін үлгілі орындағаны үшін сот қызметкерлері Жуалы ауданы әкімінің Алғыс хатымен марапатталды.
Сонымен қатар, Мемлекеттік қызметшілер күніне орай өткізілген «Ұлттық ономастика – Ел айнасы» аудандық байқауының қорытындысы бойынша жеңімпаз командалар марапатталды.
Жамбыл облысының мемлекеттік қызметшілері арасында өткізілген спартакиадада жүлделі орындардан көрінген Мемлекеттік қызметшілер марапатталды.Жуалы ауданы әкімдігінің Мемлекеттік қызметшілері, аудандар арасында 1 орынды, ал облыстық деңгейде 3 жүлделі орынды және 200 000 мың теңгелік сертификатты иеленді.
Жиында мәслихат төрағасы Бүрлібаев Зиядхан Рымбекұлы қызметкерлерді кәсіби мерекелерімен құттықтап, абыройлы жұмыста іскерлігін көрсетіп, тәжірибесімен бөліскен белсенді қызметкерлерді Жуалы ауданы мәслихатының Алғыс хаттарымен марапаттады.
Құттықтау сөз кезегі ҚР ІІМ Жамбыл облысының полиция департаменті Жуалы ауданының полиция бөлімінің бастығы Сапиев Даурен Нұржанұлына және Жамбыл облысының Жуалы аудандық сотының төрағасы Абуев Бабырхан Бекболатұлына берілді.
Кәсіби мерекелерге арналған жиын аудан өнерпаздарының өнерлерін тамашалаумен жалғасын тапты.
