Бүгін аудан әкімдігінің мәжіліс залында аудан әкімінің орынбасары Нұрлан Молдабековтың төрағалығымен ауыл шаруашылығы санағын өткізуге дайындық жұмыстары бойынша комиссия отырысы өтті.
Жиынға Сарысу аудандық статистика басқармасының басшысы Серік Жарқынбеков, мекеме, бөлім басшылары мен қала және ауылдық округ әкімдері қатысты.
Күн тәртібіндегі мәселе бойынша аудан әкімдігінің ауылшаруашылық бөлімінің басшысы Ануар Қоянтай және аудандық статистика басқармасының басшысы Серік Жарқынбеков баяндама жасады.
Аудан әкімінің орынбасары Нұрлан Молдабеков: — 2025 жылдың 1 тамызынан бастап ұлттық ауыл шаруашылығы санағы өткізіледі. Ауыл шаруашылығы санағында республика бойынша меншік нысанына қарамастан тіркелген ауыл шаруашылығы мақсатындағы жерлер, ауыл шаруашылығы малдары, ауыл шаруашылығы техникалары мен қосалқы құрылғылары, ауыл шаруашылығы қызметін жүргізуге қатысты ғимараттар, құрыстар, мал ұстауға арналған қора-жай, арнайы кешендер барлығы қамтылады.
Бұл ауыл шаруашылығында дереккөдердің шынайылығы мен дұрыс тапсырылуын айқындайтын бір жүйе.
Осыған байланысты, ауыл шаруашылығы санағына дайындық және ұйымдастыру жұмыстарын жоғары деңгейде өткізу Сіздер мен бізге тікелей байланысты, — деді.
Жиында ауыл шаруашылығы санағын сапалы өткізу туралы жауапты басшыларға бірқатар тапсырмалар жүктелді.