Санкт-Петербургте 8 мың камера арқылы этникалық сәйкестікті анықтау жоспарланып отыр. Алайда бастама қоғамда резонанс тудырды, деп хабарлайды Ulysmedia.kz «Коммерсантқа» сілтеме жасап.
МӘН-ЖАЙ
Санкт-Петербург әкімдігі қаладағы 8 мың бейнекамераны этникалық сәйкестікті анықтайтын жаңа технологиямен жабдықтауды жоспарлап отыр. Бұл туралы қала әкімшілігінің ұлтаралық қатынастар жөніндегі комитетінің басшысы Олег Капитанов мәлімдеді.
Капитановтың айтуынша, бұл жаңа функционал «Қауіпсіз қала» ақпараттық жүйесінің бір бөлігі ретінде әзірленген. Оның мақсаты — шекарасы нақты белгіленген этникалық қоғамдастықтардың қалыптасуын болдырмау және әлеуметтік шиеленісті алдын ала анықтап, дер кезінде шара қолдану.
КАМЕРАЛАР
Осы мақсатта 2024 жылдың соңына қарай қаладағы 102 мың камераның 8 мыңы этникалық сәйкестікті тану жүйесіне қосылады. Бұл жобаға 38,4 миллион рубль бөлінгені де ресми расталды. Жаңа техника автоматтандырылған статистикалық есептер жасауға мүмкіндік береді.
РЕАКЦИЯ
Ресейдің Адам құқықтары жөніндегі президенттік кеңесі бұл шешімді адам құқығын бұзу және адамдық қадір-қасиетті қорлау деп атады. Сарапшылар этникалық сәйкестікті бейнекамера арқылы анықтаудың өзі заңдылық пен этика тұрғысынан үлкен сұрақтар тудыратынын айтып, жобаны сынға алды.
Әкімдік өкілдері бұл технология жаппай іс-шаралар кезінде қауіпсіздікті қамтамасыз етуге, құқық қорғау органдары мен еріктілердің жұмысын оңтайландыруға және түрлі тілдерде сөйлейтін мамандарды тарта отырып, қоғамдық тәртіпті сақтауға көмектеседі деп сендіріп отыр.
https://qaz.ulysmedia.kz/news/26324-sankt-peterburgte-adamdardyn-ultyn-anyktaityn-kameralar-paida-bolady/
pixabay.com
