Мемлекеттік саясаттың негізгі тетіктерінің бірі — сапалы білім беруге қолайлы жағдай жасау. Бүгінде үкімет тарапынан түрлі қолдаулар жасалып келеді.Осы ретте, ҚР Парламенті Мәжілісінің депутаты Гүлдара Нұрым Жаңаарық ауылдық округі, Ұ.Сыздықбайұлы ауылындағы «Сарысу» орта мектебіне ат басын бұрды. Аталмыш мектеп 1972 жылы ашылып, пайдаланылуға берілді. Мектеп 200 оқушыға арналған. Мектепте 167 оқушы, 7 тәрбиеленуші бар. Балалардың бос уақытын ұйымдастыруға арналған шахмат, волейбол, тоғызқұмалақ және асық ату үйірмелері жұмыс жасайды. Мектептің болашағы жарқын, оқушылары білімнің биігінен көрініп жүр.Мәжіліс депутатына мектеп басшылығы мектепке су кіргізу, акт зал соғу сынды мәселелерді көтеріп, өзектілігіне тоқталды. Ауылдық округтегі аядай мектеп күрделі жөндеуді қажет етеді.Мәселенің мән жайын ұққан Гүлдара Алданышқызы шешілу барысын талқылап, тиісті шаралар қабылданатынын айтты.
Все реакции:
12
