Сардар Әбдіжақия білім саласындағы сұмдықтарды жариялады. Бұл туралы «Астарлы ақиқат» ақпарат агенттігі жариялады.
БҰДАН АСҚАН СОРАҚЫЛЫҚ БАРМА АЙТЫҢЫЗШЫ?
САБАҚ УАҚТЫСЫНДА ӨЛГЕН ӨҚУШЫ, ЛИЦЕНЗИЯСЫЗ МЕКТЕП, МҰҒАЛІМНІҢ ОҚУШЫ АРАСЫНДАҒЫ БАЙЛАНЫСЫ…
Ия, өкінішке орай бұл сорақылықтардың барлығы бір ауданда.
Киелі ауданның киесі ұрғанба, әйтеуір Қазығұрт ауданындағы білім саласында, адам шошитын жағдайлар орын алып жатыр.
Ауруын жасырған ауырмай өледі деген бар креслода отырған мырзалармен ханымдар!
Сот процессі жүріп жатқанда күдікті болып танылған сотталушы, Қазығұрт ауданының білім бөлімі басшысы болған Бахтияр Абдиев жұмысында отырғанын ешкім білмесе де мен білемін. Бахтияр Абдиевті сот залынан қамауға алып, 7 жылға бас бостандығынан айыруға үкім оқыған судья, Келес ауданы білім бөлімі басшысы кезіндегі уақыттарда қылмыс жасады деп айыптаған. Әзірге әрине үкім заңды күшіне енген жоқ.
Қызылқия ауылдық округі «Атажұрт» елді мекенінде 283 оқушы лицензиясы жоқ 100 орындық жаңа «Айнатас» мектебінде оқып жатыр.
Түркістан облысы әкімінің қаулысы негізінде лицензия алуға құжаттарды тіркеу жұмыстары жүргізілуде деп ресми жауап жолдаған аудандық білім бөлімінен, облыс әкімі қандай қаулы бергенін сұратып жатырмыз. Себебі 2025 жылы облыс әкімінің Қазығұрт ауданы тұрғанындарымен кездесуінде, осы мәселе бойынша ауыл тұрғыны тарапынан облыс әкіміне айтылған кезде, әкім қалай бұл сонда?-деп жаға ұстаған кейіп көрсеткен болатын.
Ал мұғалімдердің еңбек ақылары, ыстық тамақпен қамтамасыз ету және ыстық тамақ беретін кәсіпкер қандай құжаттармен келісім шарт жасағандары бізге белгісіз. Дегенмен мұндай мектептегі майда- шүйделерге антикор араласып басын қатырғысы келмесе керек.
Антикормен құзырлы органдар ауыз ашпағанда біз қоя тұрайық.
Шошырлық жағдай, Қазығұрт ауданы, Қызылқия ауылдық округіне қарасты «Атажұрт» елді мекенінде орналасқан Б.Момышұлы атындағы жалпы білім беретін мектебінің дене шынықтыру пәні мұғалімі А. А. Б. күдікті ретінде танылып,
8-сынып оқушысы Д. А.-ға қатысты іс бойынша сотқа дейінгі тергеп-тексеру амалдары жүргізілуде. Мұғалім уақытша қамауда отыр деседі.
Ал мектеп басшылығы кәмелет жасқа толмаған 8- сынып оқушысымен психолтарды іске қосып көмек көрсетіп жатыр екен.
Ол олма, Қазығұрт ауданының білім бөліміне қарасты А. Оразбаева атындағы жалпы білім беретін мектебінде 6- сынып оқушылары, сабақ басталған уақытта телефонға таласып, салдарынан 6- сыныптың оқушысы қайтыс болған. Маған баланың анасы болып танысып қоңырау соққан азаматтың айтуынша баланы буындыру кезінде ауа жетпей өлгенін туралы ауызша айтқан әңгімесі жағамды ұстатты. Өлген мектеп оқушысының анасына, Қазығұрт ауданы АПБ басшысы қол хат жаздырып, бұл сот-медициналық сараптамасын ешкімге көрсетпеңіз деп міндеттеген көрінеді. Дегенмен бала14 жасқа толмауына байланысты қылмыс құрамы жоқ деп іс жабылған.
Бір отбасының кәмелетке толмаған баласы сабаққа кетіп, үйіне тірі оралмады, өлді- да кетті.
Басқа орын алып жатқан жағдайларды айтудың өзі орынсыз болар. Себебі бұл оқиғалар бір ауданның екі ауылдық округіндегі болмысы ғана. Ал басқа аудандардағы өз-өзіне қол жұмсауы бойынша т.б. жағдайларды алдағы уақытта жазатын боламын.
Басшысы жоқ жердің болмысы осы шығар. Түркістан облысындағы білім бөлімі басшылары жаппай қамалып жатқан жағдайда, басқармасы басшысы да сотталушы болып Шымкент қаласында, соттың құзырында тұрып жауап беріп жатыр.
Сардар Әбдіжақия
Түркістан облысы
22 total views , 22 views today
