Бүгін Жамбыл облысы әкімдігінің денешынықтыру және спорт басқармасының ұйымдастырымен Тараз қаласындағы «Жақсылық Үшкемпіров атындағы «Тараз – Арена» спорт сарайында «Есірткісіз болашақ» ұранымен «Әкем, анам және мен – спорттық жанұя» отбасылық сайысы өтті.
Балалар мен ата – аналар арасында салауатты өмір салтын қалыптастыруды, балалардың спортқа деген қызығушылығын арттырып, салауатты өмір сүруге тәрбиелеуді насихаттайтын бұл отбасылық сайысқа облыс бойынша 18 отбасы қатысты.
Тартысты өткен сайыста Сарысу ауданынан қатысқан Қырғызбаев Абзал Сахарайұлының отбасы бірінші орын алып, жеңімпаз атанса, Хусайнов Асқар Эшқабылұлының отбасы жүлделі екінші орынды иеленді.
Аудан намысын қорғаған спортшы отбасыларымыз медальдармен марапатталып, арнайы тағайындалған қаржылай сыйлықтардың сертификатын иеленді.
