«Абай оқулары» облыстық байқауына қатысқан сарысулықтар жүлделі орындарға ие болды
Облыс әкімдігінің тілдерді дамыту басқармасының ұйымдастырған «Абай оқулары» облыстық байқауының нәтижесі бойынша аудан намысын қорғаған Жансая Қабанбай І орынды, Диана Сейдіш ІІ орынды иеленді.
Ереже талаптарына сәйкес үміткерлер ақын шығармаларын (білім, ғылым және өнер тақырыптарына өрілген поэзиялық шығармаларын немесе қарасөзін) жатқа мәнерлеп оқыса, екінші кезеңде М.Әуезовтың «Абай жолы» романынан үзіндіні көркем шеберлікпен орындады.
Сондай-ақ, Абай әндерін шырқап, байқаудың шешуші кезеңінде «Абайдың тілі – адамзаттың рухани қазынасы» тақырыбында бейнероликтерін қорғап, қазылар алқасына ұсынды.
Байқауға қатысқан барлық үміткерлерге басқарманың Алғыс хаты мен және арнайы жүлделері табысталды.
Сарысу ауданы әкімдігінің баспасөз қызметі
