Жыл басынан бері Сарысу ауданында «Нәтижелі жұмыспен қамту және жаппай кәсіпкерлікті дамытудың 2017-2021 жылдарға арналған бағдарламасы» аясында 7 кәсіпкер екінші деңгейлі банктер арқылы 68 миллион теңге несие алуға құжаттар тапсырған. Бүгінгі күнге 1 жоба 6,2 миллион теңге қаржысын алса, 12,0 миллион теңгенің 1 жобасы мақұлданып отыр. 1 жоба қаралуүстінде.
Сонымен қатар, осы бағдарламаның екінші бағыты жаппай кәсіпкерлікті дамыту бойынша 36 азаматқа 147,3 миллион теңге берілген.
«Бизнестің жол картасы-2025» бизнесті қолдау мен дамытудың мемлекеттік бағдарламасы шеңберінде екінші деңгейлі банктер арқылы 58,0 миллион теңге несие алуға 6 жобаның құжаттары ұсынылған (Есқұлова Азиза — 5,0 млн. теңге, А.Абилдаева – 5,0 млн. теңге, Ш.Абжаппарова – 6,0 млн. теңге, П.Ерубаев – 12,0 млн. теңге, барлығы «Халық банкі» Абилдаева Рахат – 15,0 млн. теңге, Кузекбаева А. – 15,0 млн. теңге. ВТБ банкі). Бүгінгі күнге 2 жоба – 20 миллион теңгеге қаржыландырылып, 27 миллион теңгенің 2 жобасы мақұлданса, 1 жоба – 6,0 миллион теңге қаралуда.
Бұдан бөлек, «Саудакент несие серіктестігі» ЖШС бойынша 5 азамат 17,5 миллион теңге, «Ауыл шаруашылығын қаржылай қолдау қоры» арқылы 5 жобаға 24,0 миллион теңге және «КМФ» қаржы ұйымы арқылы 2032 азаматқа 1 миллиард 112,1 миллион теңге қаржы берілген.
