Бүгін Ұлыстың Ұлы күні — әз-Наузыз мерекесіне орай аудандық орталық алаңда «ҚОШ КЕЛДІҢ, ӘЗ НАУРЫЗ!» атты мәдени-көпшіліктік іс-шарасы өтті.
Аудан әкімдігіне қарасты барлық бөлемдер мен жергілікті ірі кәсіпорындар атсалысқан мереке кең көлемде көрініс тапты. Орталық алаңда алты, сегіз және он екі қанаттық киіз үйлер бой көтеріп, іші қазақы ою-өрнектермен, сырлы сырмақтармен көмкерілді.
Ақ дастарқанға тек ұлттық тағамдар қойылып, келушілерге мерекенің басты символы — наурыз көже үлестірілді. Сондай-ақ, мереке басынан табылған этно-мәдени бірлестік өкілдері де ұлттық тағамдарын көпшілікке ұсынды.
⚜️Іс-шара барысында аудандық мәдениет үйі қызметкерлері қазақы әдеп-ғұрыпты насихаттайтын қойылып қойып, ән мен жырдан шашу шашты.
⚜️«Ел іші — өнер кеніші» деген. Мұнымен қоса, мерекеге келушілер арасында: кір тасын көтеру, боз кілемде күресу, асық ату, қол күрес және арқан тартыс сынды ұлттық спорттық ойындар ұйымдастырылып, жеңімпаздарға бағалы сыйлықтар тарту етілді.
Айта кетейік, күні ертең, яғни 22 наурызда Ұлыстың Ұлы күні барлық ауылдық округтің мәдениет және клуб үйлерінде аталып өтеді.
☑️Сарысу ауданы әкімдігінің баспасөз қызметі
