https://turkystan.kz/article/category/news
Семейде полиция 10 млн теңгенің алаяқтардың қолына түсуіне жол бермеді, деп хабарлады turkystan.kz.
Семей тұрғыны енесінің телефон арқылы күмәнді адаммен сөйлесіп жатқанын байқап, дереу полицияға хабар берген. Бейтаныс адам өзін құқық қорғау органдарының қызметкері ретінде таныстырып, зейнеткерді алдамақ болған.
Жағдайға жедел әрекет еткен ПД қызметкері Айдана Қозыбаева зейнеткермен байланысып, сабырмен түсіндіру жұмыстарын жүргізген. Ол нағыз полицейлер ешқашан телефон арқылы ақша сұрамайтынын және банк шотына қатысты деректерді талап етпейтінін айтқан.
Алаяқпен болған бұл әңгіме бейнекамераға жазылды. Отбасының келісімімен видео #ЖүздерінЖаттапАл хэштегімен жарияланып, алдын алу мақсатында пайдаланылады.
Зейнеткердің келіні мен полицейдің қырағылығының арқасында тұрғынның атына рәсімделген 10 миллион теңге дер кезінде бұғатталып, алаяқтар ақшаға қол жеткізе алмады.
Полиция ескертеді:
полиция несие рәсімдеуді немесе банк картасының деректерін беруіңізді сұрамайды;
күдікті қоңырау түссе, асықпай ақпаратты тексеріп, жақын маңдағы полиция бөліміне хабарласыңыз.
