https://turkystan.kz/article/262651-salqar-qalasyndagy-saiabaqta-10-zasar-balany-toq-soqqan
Ақтөбе облысы Шалқар қаласында жақында ғана ашылған саябақта 10 жастағы баланы тоқ ұрды. Оқушы алдымен аудандық ауруханаға шұғыл жеткізіліп, ауыр халге түскеннен кейін санитарлық авиациямен облыс орталығына жеткізілді, деп хабарлайды turkystan.kz.
Кеңес Одағының батыры Ідіріс Үргенішбаев ескерткішінің жанындағы алаңда бала жарықшамға шыққан. Сол сәтте оны тоқ соққан. Куәгерлер зардап шеккен балаға алғашқы көмек көрсетіп, жедел жәрдем шақырды.
Алдымен мектеп оқушысы Шалқар қаласындағы аудандық ауруханаға жеткізілді.
Ол түні бойы реанимацияда жатып, бүгін санитариялық авиация арқылы облыс орталығына жеткізілді.
Жарақат алған баланың жағдайы ауыр деп бағаланып отыр.
Айта кету керек, ескерткіштің өзі мен оның маңындағы аумақ жақында абаттандырылған болатын.
Ресми мәлімет бойынша, бұл жұмыстарға биылдың басында 11,2 млн теңге бөлінген.
