Ел өмірінде орны айрықша, екі туып, қос қайталанбайтын тұлғалар болады. Солардың бірі әрі бірегейі – Шерхан Мұртаза болатын. Өз заманында айбатты аға қазақтың көркем сөзі мен көсем сөзін қоғамдық мінбеге көтеріп, ата-бабаларымыздың айбынды рухын қайыра атқа қондырды. Ұрпақ санасын тәрбиелеп, әдебиет әлеміндегі қазақ журналистикасында Мұртазаның мұнаралары мұнтаздай десек артық айтпағанымыз. Шерағаң өмір бойы өрге жүзіп, қазақ қамы, Алаш абыройы үшін қызмет етті. Шерағаң – ұлт тәрбиешісі десек, оның шығармалары да осылай туындайды.
Ұлт руханиятының абызы Шерхан Мұртазаның туғанына 90 жыл толуына орай, Жуалы өңірінде «Шынның жүзі — Шераға» атты облыстық жас ақындар мүшәйрасы ұйымдастырылғаны белгілі. Айтулы шараны Жуалы ауданы әкімдігі ішкі саясат бөлімінің «Жастар ресурстық орталығы» мен мәдениет және тілдерді дамыту өлімі бірлесе өткізгенін айта кетейік.
Жуалы ауданы әкімінің орынбасары Анар Ахметованың құттықтау сөзімен ашылған мүшәйрада Байзақ ауданы атынан қатысқан жастарымыз Қоштаев Бексұлтан мен Шыңғысбай Нұрбек жүлделі үшінші және төртінші орыннан көрінді. Бексұлтан Жәнібекұлы жас ақындар мүшәйрасында «Шерхан Мұртаза рухына», ал, Нұрбек Жұмабекұлы «Шераға өткен өткелдер» тақырыбында арнауларын оқып, «Поэзияға адалдығы үшін» аталымына ие болды. Жеңімпаздар мен жүлдегерлер ұйымдастырушылар тарапынан Дипломдар және бағалы сыйлықтармен марапатталды. Аталған мүшәйрада бірінші орынға тараздық Аят Бәтей ие болса, екінші орынға «Жас қалам» аталымы бойынша Жамбыл ауданынан Алина Айдаралы еншіледі.
Байзақ ауданы
