Митингтерден соң отставкаға кететінін мәлімдеген Шри-Ланка президенті Готабая Раджапакса елден кетіп қалды, деп хабарлайды Stan.kz ақпарат агенттігі France Press агенттігіне сілтеме жасап.
Басылым мәліметінше, экс-президент жұбайы мен екі оққағарымен Мальдив аралдарына бет алған Ан-32 ұшағының бортына отырған.
Бұған дейін өткен сәрсенбіде Шри-Ланка президенті Готабая Раджапакса қызметінен кетуге уәде берген. Парламент спикері Махинда Япа Абейвардена уақытша мемлекет басшысы болады. Премьер-министр Ранил Викрамасингхе де коалициялық үкімет құру үшін отставкаға кетуге келісті.
Шри-Ланкадағы наразылық шерулері ел экономикасын тығырыққа тіреген бұрын-соңды болмаған қаржылық және экономикалық дағдарыстан соң сәуір айында басталды.
Еске салсақ, шілде айының басында демонстранттар президент сарайы мен премьер-министр Ранил Викрамасингхенің резиденциясына басып кіріп, соңғы ғимаратты өртеп жіберген.
Арал мемлекет шетел валютасы, жанар-жағармай, мұнай өнімдері, тыңайтқыштар, азық-түлік, дәрі-дәрмек тапшылығын сезінуде. Викрамасинге дағдарысты еңсеруге кем дегенде үш жыл керектігін айтқан еді.
https://stan.kz/shri-lanka-prezidenti-elden-ketkeni-turali-akparat-tara-367308/
