Шу ауданының полиция бөліміне жергілікті тұрғын өзінің танысының алдау жолымен банк қосымшасы арқылы 1 миллион теңге көлемінде несие ресімдегені туралы шағымданған.
Бір аптадан кейін сол полиция бөліміне 25 жастағы әйел де осындай мәтінде шағым түсірген. Ол күйеуінің досы смартфонындағы банк қосымшасы арқылы 956 000 теңге көлемінде тауарлық кредит ресімдегенін хабарлады.
Аталған дерекке қатысты Қазақстан Республикасы Қылмыстық кодексінің 190-бабы бойынша сотқа дейінгі тергеу амалдары басталды және тергеу барысында Шу ауданының 25 жастағы тұрғыны ұсталды.
Күдікті кінәсін толық мойындады, уақытша ұстау изоляторына қамаққа алынды.
