Шу ауданында мемлекеттік жастар саясатын жүзеге асыруда аудан әкімдігінің ішкі саясат бөлімінің «Жастар ресурстық орталығы» мекемесімен жүйелі жұмыстар атқарылуда.
Статистикалық мәлімет бойынша, ауданда жалпы тұрғындар саны
102 778 болса, оның 22 741-і 14 пен 29 жас аралығындағы жастарды құрайды. Бұл өңір халқының 22,1 пайызы. Оның ішінде, ерлер — 12024, әйелдер – 10717, ауыл жастарының саны — 15080, қала жастарының саны – 7661.
2020-2021 оқу жылында мектептерде барлығы — 20891 оқушы білім алса, оның ішінде 14-18 жас аралығында жастар саны – 3684. Мектеп бітіретін түлектер саны – 954, оның ҰБТ тапсырғандар саны –721. ҰБТ-да шекті балл жинағандар – 542, шекті балл жинай алмағандар – 179, қатыспағандар-233, «Серпін» бағдарламасымен 4 жас білім алуда.
2021-2022 жж оқу жылында мектептерде барлығы – 21125 оқушы білім алса, оның ішінде – 962 мектеп бітіруші түлектер.
Ауданда 4 арнаулы орта оқу орындары бар. Оның 1-і мемлекеттік, 3-і жеке меншік негізінде жұмыс істеуде. Аталған оқу орындарында 2021-2022 оқу жылында 968 студент білім алса, оның 519 грант, 449 ақылы негізде білім алуда.
Мемлекеттік қызметте аудан бойынша барлығы 217 адам қызмет атқарса, оның 31-ін жастар құрайды.
Ауданда құқық қорғау органдарында 89 жас, денсаулық сақтау саласында 223 жас, төтенше жағдайлар бөлімінде 17 және 221 жас мұғалім еңбек етуде.
Жастар арасында құқық бұзушылық пен заң бұзушылықты болдырмау, алдын алу мақсатында бірқатар тиісті іс-шаралар атқарылуда. Соның нәтижесінде, аудандық ішкі істер бөлімінің мәліметі бойынша 2021 жылды жарты жылында 18 қылмыс тіркелген.
Сонымен қатар, 2021 жылы аудандық қорғаныс істері бөлімінде әскери есепте тұрған жастар саны 3725-ды құрайды. 145 жас әскер қатарына алынған. Әскерге жарамсыз жастар саны 106. Әскерге жіберілгендердің ұлттық құрамы бойынша қазақ – 111, орыс – 21, неміс – 1, түрік – 2, әзербайжан – 3, өзбек –1, дүнген – 1, күрт – 2, шешен – 1, татар – 2. Келісім шарт бойынша жұмыс жасап жүргендер – 5.
