istockphoto.com
https://turkystan.kz/article/264398-sygyn-58-mln-pavlodarda-qarzy-piramidasyn-uiymdastyrusylar-sottaldy
Павлодар қаласының қылмыстық істер жөніндегі ауданаралық соты қаржылық пирамидаға басшылық ету фактісі бойынша қылмыстық істі қарады, деп хабарлайды turkystan.kz.
2024 жылғы қаңтарда Р. заңсыз материалдық пайда табу мақсатында TAKORP қаржылық пирамидасының құрылымдық бөлімшесіне басшылық ету арқылы қылмыстық жоспар құрастырғаны анықталды. Аталған қаржылық пирамида салымшылардың қаражатын жарнамалық қосымшалар желеуімен тартқан. Ол АҚШ-та орналасқан және жарнама саласындағы инновациялық технологияларды дамытуға бағытталған деп көрсетілген.
«Сотталушылар қаржылық пирамиданы бұқаралық ақпарат құралдары мен электрондық ақпарат ресурстарын пайдалана отырып, ашық жарнамалаған. Қаржылық пирамидаға салымшылар салған ақшаның жалпы сомасы 58 миллион теңгеден асты», – делінген хабарламада.
Сот сотталушыларды кінәлі деп танып, сәйкесінше 6 жыл және 1,5 жыл бас бостандығынан айыру жазасын тағайындады. Екеуі де қауіпсіздігі ең төменгі мекемелерде жазасын өтейді.
Жәбірленушілердің азаматтық талаптары толығымен қанағаттандырылды.
Үкім заңды күшіне енген жоқ.
Толық нұсқасына гиперсілтеме беруді ұмытпаңыз: https://turkystan.kz/article/264398-sygyn-58-mln-pavlodarda-qarzy-piramidasyn-uiymdastyrusylar-sottaldy
