48 жастағы оқушы өзінің алғашқы оқу жылын қатаң режимдегі колонияда өткізеді деп хабарлады turkystan.kz otyrar.kz–ке сілтеме жасап.

Алғашқы қоңырау тек мектептерде ғана емес, қаладағы түзеу мекемелерінде де соғылды. Шымкент қаласындағы 167/2 колониясындағы 48 сотталушыға оқу жылы басталды. Оқушылардың жасы әртүрлі.

Диас (аты өзгертілген) өмірінде алғаш рет мектепке барды. Ол Шымкент қаласындағы ИЧ-167/2 қауіпсіздігі барынша жоғары мекемеде жазасын өтеп жатыр. Балалық шағы көшеде өтті. Ата-анасы ерте қайтыс болған, ал туыстары одан бас тартты.

«Бала кезімнен ұсақ-түйек заттар ұрладым, тамақтанғым келді. Кейде қайыр сұрайтынмын. Өз үйім жоқ еді. Мен колонияға алғаш рет 20 жасымда кірдім. …Ешқашан оқығым келмеді, ештеңе білмеймін деп ұялдым. Бізге сабақтар, фильмдер, психологиялық тренингтер өткізіледі. Сондықтан мен оқуды үйренгім келді. Ұзақ уақыт күмәндандым, тіпті қорықтым. Бірақ бәрібір мектепке баруға шешім қабылдадым», – дейді Диас.

Алғаш рет білім алуға шешім қабылдаған тұтқындар бірден алтыншы сыныпқа барады, сондай бағдарлама бар. Онда мұғалімдер әдебиет, математика, тарих пәндерінен сабақ береді. Диас пен оның қасындағылар жазуды және оқуды үйренеді.

«Шын мәнінде, мекемеде жазасын өтеушілердің көпшілігі оқып, жаза алмайды. Кейбіреулер үшін тегі мен атын жазу қиын. Біз оларға бастауыш білім беруге тырысамыз. Кейбіреулер колледжде оқиды», – деп түсіндірді тәрбие бөлімінің бастығы Боранов Талғат.

Биыл 48 сотталған азамат алғаш рет мектепке барды. Мекемеде барлығы 72 оқушы оқиды. Оқу аяқталғаннан кейін олар да оқушылар сияқты тест тапсырады.