ҚР Жоғарғы Соты адам ағзасын саудалауға қатысы бар деген трансплантолог-дәрігерлердің ісіне нүкте қойды. Жыл басында Бас прокуратура істі қайта қарауды сұраған. Алайда аппеляциялық шағым қанағаттандырылмады. Осылайша 2020 жылы барлық азаматтарға оқылған үкім өзгеріссіз қалды. Естеріңізде болса, 2019 жылы «адам ағзасын заңсыз саудалады» деген трансұлттық ұйымдасқан қылмыстық топтың ісі елді дүрліктірген болатын. Содан кейін құқық қорғау органдары елордалық трансплантолог-хирург Ғани Құттымұратов пен Шымкент қалалық клиникалық ауруханасының бас дәрігері Абылай Донбайды ұстаған. Сөйтіп, сот отырысында Құттымұратов кінәлі деп танылып, 2 жыл 6 айға сотталған. Ал Абылай Донбай кінәсіз болып шығып, сот залынан босатылған. Қазір ол жергілікті ауруханада қызметін жалғастырып жатыр.
Источник: https://24.kz/kz/zha-aly-tar/o-am/item/529490-shymkentte-adamny-a-za-m-shelerin-saudalau-a-atysty-sot-kimi-shy-ty
Қолданылған материалдарға міндетті түрде www.24.kz сайтына гиперсілтеме берілуі тиіс / Любое использование материалов допускается только при наличии гиперссылки на www.24.kz
