«Жылу жоқ, ыстық су да жоқ. Мүгедектігі бар азаматтарға арналған кабинаның есігі мүлде жабық тұр. Ішіне қалай кіреді сонда? Көпшілігі ескі дәретханаларды қолданады. Себебі ол жақта тазарақ. Ал бұл 9 миллион теңге тұрмайды», – деді тұрғын Гүлжан Мейірбекова.
Дендросаябаққа жаңа бес дәретхана орнатылған. Тұрғындардың сөзінше, ыстық судан бөлек мұнда жағымсыз иіс бар. Сондай-ақ кез келген уақытта тоқ соғуы мүмкін, себебі электр желісі кей тұстарда ашылып қалған.
Анықталғандай, дәретханаларды әлеуметтік-кәсіпкерлік корпорация сатып алған. Жұмсалған 45 миллион теңгені ұжымдық қордан алған. Ал жаңа дәретханаларды кәсіпті қолдау үшін және әлеуметтік осал топтағы азаматтарға арнап орнатқан екен.
«Көшедегі дәретханаларға 45 миллион теңге бөледі. Кейін дәл осы қор 4 күннен соң әрқайсысы 9 миллион болатын дәретханаларды сатып алған. Бағасы бір бөлмелі пәтермен тең. Бұл – қаржыны тиімсіз жұмсау. Біз мұның демеушілер көмегі және ұжымдық қор қаржысы екенін түсінеміз. Дегенмен қаржыны тиімсіз жұмсау дегенді білдірмейді», – деді Жемқорлыққа қарсы іс-қимыл агенттігінің Шымкент қаласы бойынша департаменттің бас маманы Жани Қамбар.
ttps://stan.kz/shimkentte-tyrgindar-bes-paterdin-kynina-ten-darethanan-368408/
