Енді қолымнан келгенше істеп жатырмын ғой. Қайтем енді? Мыналардың бәрі өздеріңіздің балаларыңыз ғой. Жеп қояды, өстіп отырады. Не істеймін енді?
Кейін ол қызметкерлеріне қарап, егер іс қозғалмайтын болса, ісі солармен болатынын ескертеді.
«Шешеңді өстіп Құдай қинасын, майор. Түсіндің бе? Шешең бар ма? Осылай жылатсын. Басқа не айтам саған? Ақымақ қылып, өстіп қинасын. Бәріңнің шешелеріңді осылай қинасын! Не деген оңбаған адамсыңдар? Ұяттарың жоқ! Не істеймін енді? Көріп тұрсыз ғой. Тексертемін ана жігітке… Еее, іс қозғамайтын болсаң, ісім сенімен болады, түсіндің бе? Алдыңдағы істерді көтеремін, өзіңе іс қозғатамын егер осыған іс қозғамайтын болсаң«, — дейді Ералы Жұмаханбетов.
Осыдан соң қабылдауға келген екі тұрғын кабинеттен шығып кетеді. Ал Ералы Жұмаханбетов сөзін әрмен қарай жалғастырады.
Егер осы жерде жұмыс істейтін болсаңдар, мұндай болмас еді. Сендер бір нәрсесін алып қоясыңдар да, өстіп қарабет боп… Не істеймін мен ал? Құдай сендердің шешелеріңді осылай қинасын. Міне, тұрсыңдар ғой беттерің быттиып-быттиып
Видеоны алғашқылардың бірі болып Козачков Телеграм-арнасында жариялады. Ондағы оқырмандар пікірі екіге бөлінді.
«Жаны ашып жатыр ғой», «Полиция бастығының айтқаны дұрыс», «Құдай шешелеріңді қинасын» деп айтып отыр… Адамның ар-намысы деген бар», «Тергеуші заң аясында жұмыс істеген болса, ол қоқаң-лоққы көрсетіп, намысқа тиетін сөздер айтуға құқығы жоқ. Әсіресе аналары туралы… Ана — қасиетті адам», «Кез келген елде мұндай адамды жұмыстан қуып шығар еді», «Қызметкерлерінің аналарына қатысты олай айтуға қандай құқығы бар? Оның үстіне полицейлердің пара алғаны туралы да меңзеп отыр» деп жазды желі қолданушылары.
Айта кетейік, видеода Полиция департаменті бастығының шені — полковник. Бүгінде Ералы Жұмаханбетов полиция генералы.
Экспресс К тілшісі видеоның мән-жайын білу үшін бейнежазбаны Полиция департаментінің баспасөз қызметіне жолдады. Ондағылар әзірге жауап бермеді.
Еске салсақ, осыдан шамамен бір апта бұрын ғана Шымкенттегі Полиция департаментінде 31 жастағы Нұрболат Жұмабаев көз жұмды. Экспресс К тергеу кезінде көз жұмған қостанайлық жігіт туралы бұған дейін жазды.
Оқиға болған күннің ертеңіне қайтыс болған жігіттің әкесі ұлын полицейлер ұрып өлтіргеніне сенімді екенін айтты. Ал Полиция департаментінің бастығы журналистерге марқұм тергеу кезінде өзін жайсыз сезініп, кенеттен қайтыс болды деп мәлімдеді.
Мәйітті экспертизаға алып кірмей тұрып полицейлер көз жұмған жігіттің әкесіне ақша ұсынғаны белгілі болды.
Оқиға күні Нұрболат Жұмабаевтың қасында досы Сергей Петров та болған. Ол полицейлер ұрып-соғып, жасамаған қылмысты мойындатқысы келгенін айтты.
Медициналық сараптама қорытындысы бойынша 31 жастағы Нұрболат Жұмабаевтың неден өлгені белгілі болды.
Бұл оқиға бойынша Қылмыстық кодекстің 106-бабы 3-бөлігіне сәйкес (Денсаулыққа қасақана ауыр зиян келтіру, өлімге әкеп соғу) қылмыстық іс қозғалды. Алты полицей ішкі істер органдарынан шығарылды.
Тергеу сотының санкциясымен үш лауазымды полицей (екі подполковник, бір полковник) екі айға қамауға алынды. Көз жұмған жігіттің әкесінің адвокаты Талғат Есімов жігіттің өліміне қатысы бар өзге де қызметкерлер жауапқа тартылу керектігін айтып, бұл бойынша прокуратураға талап-арыз жазатынын жеткізді. Сондай-ақ адвокат қоғамдық резонанс тудырған оқиғадан соң Полиция департаментінің бастығы отставкаға кетуі керек екенін айтты.
Марқұмның денесі 11 желтоқсан күні Қостанай облысында жер қойнына тапсырылды.
Дәл осы күні Шымкенттің бас полицейі қайтыс болған жігітке полицейлер тарапынан күш қолданылғанын мойындады.
