Ресей президенті Владимир Путин жақында Киевтің келіссөздерді бастау туралы ұсынысына байланысты Украинада Ресей әскерлерінің алға жылжуын тоқтата тұру туралы бұйрық берді, бірақ Украина тарабы диалогтан бас тартқаны үшін әскери операция қайта басталды. Бұл туралы Ресей президентінің баспасөз хатшысы Дмитрий Песков мәлімдеді деп хабарлады Шаңырақ инфо stan.kz-ке сілтеме жасап.
«Кеше Украина басшылығымен болатын келіссөздерге байланысты Ресейдің Жоғарғы Бас қолбасшысы мен президенті ресейлік әскерлердің негізгі күштерінің алға жылжуын тоқтатуға бұйрық берді. Украина тарабы келіссөздерден бас тартқандықтан, бүгін түстен кейін операция жоспарына сәйкес Ресейдің негізгі күштерін жылжыту қайта басталды»,- деп толықтырды Ресей президентінің баспасөз хатшысы.
Украина президенті кеңсесі басшысының кеңесшісі Алексей Арестович Ресейдің Киевке негізсіз шарттарды ұсынғанын және мұның елді капитуляцияға мәжбүрлеу әрекеті екенін атады.
