Әскери бөлімді өртеу және терроризм: Ресейде қазақстандық екі азаматқа қарсы қылмыстық іс қозғалды — БАҚ

“800 мың рубль. Тергеу мәліметтері бойынша, оларға Омбыдағы военкоматты өртегені үшін осындай соманы төлеуге уәде еткен. Тергеу мәліметінше, Пушкин көшесіндегі военкоматты Қазақстанның екі азаматы: Аңсаған Молдахметов пен Сейіл Диас Мұратұлы өртеп жіберген. Мамыр айының басында олар Telegramда белгісіз бір «Добрынья Никитичпен» сөйлескен. Жаңа таныстары оларға Омбы әскери комиссариатын өртеп жібергендері үшін 800 мың рубль төлеуге уәде еткен”, — делінген ақпаратта.

БАҚ мәліметінше, 12 мамырда Молдахметов пен Сейіл Омбыға көлікпен келген.

• • Журналист Дарья Дугинаны өлтірген күдікті әйел жалған қазақстандық жеке куәлікті қолданған — БАҚ

• Павлодар облысында Ресей елінің азаматтығын алғанын жасырған әйел елден шығарылатын болды

“Олар бес бөтелке, машина майы, бензин, скотч сатып алып, барлығынан бес молотов коктейльін жасаған. Келесі күні түнде Молдахметов пен Сейіл военкоматтың ғимаратына жақындап, ішіне бес «Молотов коктейлін» лақтырған. Ғимараттың өртке оранғанын көрген олар ол жерден қашып кетеді. Алайда өрт тез сөндіріліп, ғимарат аман қалған. Молдахметов 24 тамыз күні қолға түсті. Әуелі оның үстінен мүлікті қасақана жою бабы бойынша қылмыстық іс қозғалса, кейін тағылған айып өзгертілді. Енді оның үстінен террорлық акт, оның үстіне алдын ала келісім бойынша бір топ адам болып жасаған қылмыс айыбы тағылып отыр. Ер адам 12 жылдан 20 жылға дейін бас бостандығынан айырылуы мүмкін. Оның сыбайласы әзірге бостандықта жүр”, — делінген мәлімдемеде

https://stan.kz/askeri-bolimdi-orteu-zhane-terrorizm-reseyde-kazakstand-369505/.