Сот, судьямен адвокатты алаяқтық жасады деп соттады. Бұл туралы «Астарлы ақиқат» ақпарат агенттігі жариялады.
Бүгін, 10- ақпан күні, Шымкент қаласының қылмыстық істер жөніндегі мамандандырылған сотында, сот отырысына төрағалық етуші Абинұр Қарабаев, ҚР ҚК-нің 190- бабы 4- бөлігінің 2- тармағымен және аталған көдекстің 28- бабы 4- бөлігі және сол кодекстің 367- бабы 3-бөлігінің 2- тармақшасымен сараланып айып тағылған экс-судья Ж. Мүсірәлі, экс- адвокат М. Джахаев және іске қатысы бар А. Алтаевтардың қатысуында жасалған қылмыстық іске қатысты сот үкімін жарияланды.
Сотталушы А. танысының әйеліне, оның күйеуіне бас бостандығынан айырмайтын жазаны тағайындауға көмектесуге уәде берген деп тапты.
Сотта анықталғандай, А.-нің өтініші бойынша сотталушы Д. осы сұрақпен сотталушы М.ға хабарласқан. Осыдан кейін, сотталушылар А., Д. және М. пара беруші К.- ның ақша қаражатын жымқырған.
Сотталушылар кінәсі А. және Д.-ның мойындап берген және куәлердің жауаптарымен, сот сараптамаларының қорытындыларымен, жасырын тергеу әрекеттерінің нәтижелерімен дәлелденетінін белгілі болды.
Судья Абинұр Қарабаев, Ж. Мүсірәлі мен Мурат Джахаев және А. Алтаевты, ҚР ҚК-нің 28- бабы 4- бөлігі және сол кодекстің 367- бабы 3-бөлігінің 2- тармақшасымен қылмыстың құрамы болмауына байланысты кінәсіз деп танылып ақтады.
Ж. Мүсірәліні ҚР ҚК-нің 190- бабы 4- бөлігінің 2- тармағымен кінәлі деп тауып, оған мемлекеттік қызметте лауазымды қызмет атқару құқығынан өмір бойына айыра отырып, 7 жыл 6 айға бас бостандығынан айыру жазасын тағайындады. Мурат Джахаевқа адвокаттық қызметімен 7 жыл мерзімге йыра отырып, ҚР ҚК-нің 190- бабы 4- бөлігінің 2- тармағымен 6 жыл 8 айға бас бостандығынан айыру жазасын тағайындады. Ал А. Алтаевқа ҚР ҚК-нің 190- бабы 4- бөлігінің 2- тармағымен 5жыл мерзімге бас бостандығынан айыру жазасын тағайындады.
Үкім заңды күшіне енген жоқ.
Сардар Әбдіжақия
Шымкент қаласы
