Спорт-бақытқа бастар жол

Сарысу ауданы әкімдігінің дене шынықтыру және спорт бөлімінің бұқаралық спорттық іс шараларды өткізу орталығының ұйымдастырумен спорт кешенінде спартакиада өткізілді.

Қазақстан полициясына 30 жыл толуына орай, аудандық әкімшілік, аудандық сот, Ұлттық қауіпсіздік басқармасы, Прокуратура, ІІБ, ТЖМ, Военкомат қызметкерлерінің арасында спартакиада жарысы өтті.

Атап айтқанда футбол, волейбол, қол күрес, арқан тарту, гір тасын көтеруден.

Аудандық орталық ауруханасының атынан директор Б.Жарылқасынұлы бастаған «Қыран» тобы сайысқа түсті. Нәтижесінде арқан тарту, гір тасын көтеруден 2 орын футбол волейбол, қол күресінен орынды иеленді.

Жалпы 8 команда арасынан 3 орын аурухана қызметкерлері өз қанжығаларына байлады

Полиция қызметі – үлкен жауапкершілікті, кәсіби біліктілікпен қатар адами қасиеттерді талап ететін сала.

Спорттық шараның мақсаты мекемелер арасында салауатты өмір салтын насихаттау, спортпен шұғылдануға ынталандыру спорттық шараларға қатысу белсенділігін арттыру болды. Жарыс көңілді де қызықты өтті.

Салтанатты жиын аудандық мәдениет үйінде жалғасын тапты. Сайысқа түскен командаларды аудан әкімі Марат Сұлтанғалиев марапаттап, аудандық мәдениет үйі қызметкерлері ұсынған ән мен жырға толы концерттік бағдарламаға ұласты.