Жамбыл облысында мейіргер қызметін ұйымдастырудың жаңа моделін енгізу және іске асыру бойынша 2021-2025 жылдарға арналған жол картасының орындалуы бойынша «Жамбыл облысы Мейіргер ісі мамандарының кәсіби бірлестігі» ҚБ ұйымдастыруымен жоспарға сәйкес, «Халықаралық медбике күніне»
арналған орта медициналық білімі бар мамандар арасында 4-мамыр күні Жамбыл жоғары медициналық колледжінің базасында «Стационарлық қызметтің үздік мейіргері — 2022» атты облыстық кәсіби байқау өткізілді.
Байқаудың мақсаты – мейірбике мамандығының кəсіби біліктілігі мен мəртебесін көтеру, халыққа мейірбикелік қызмет көрсету сапасын арттыру, еліміздің орнықты əлеуметтік-экономикалық дамуын қамтамасыз ету үшін халықтың денсаулығын нығайту.
Негізгі міндеттері — маңызды мемлекеттік тапсырмаларды жүзеге асыру үшін орта медициналық мамандардың белсенді қатысуы, дарынды жəне шығармашыл мейірбикелік іс мамандарын анықтау жəне марапаттау, орта буын мамандарының өзіндік қанағаттануының жоғарылауы, мейірбикелердің кəсіби дайындықтарының деңгейін анықтау, кəсіби қызмет шеңберінде туындаған мəселелерді өз бетінше жəне тиімді шешу біліктіліктерін қалыптастыру, кəсіби байқауларды өткізуде дəстүрлерді жетілдіру.
Облыстық кәсіби байқаудың комиссия құрамының мүшелері: Әсет
Қалиев – Жамбыл облысы әкімдігінің денсаулық сақтау басқармасының басшысы, облыстық кәсіби байқауының төрағасы, Гүлмайра Момбекова – «SENIM» Денсаулық сақтау жүйесі жұмыскерлердің салалық кәсіптік одағы Жамбыл облыстық филиалының төрайымы, байқау төрағасының орынбасары, Жамиля Сарыбекова – «Жамбыл жоғары медициналық колледжі» ШЖҚ МКК директоры, комиссия құрамы, Лаура Отарбай – денсаулық сақтау басқармасы медициналық көмекті ұйымдастыру және лицензиялау бөлімінің басшысы, Ляйля Бокушева – Жамбыл облысы әкімдігі денсаулық сақтау басқармасының мейіргер ісі жөніндегі үйлестірушісі, комиссия құрамы, Елена Москаленко — №5 ҚЕ бас дәрігердің мейірбике ісі жөніндегі орынбасары, комиссия құрамы, Лайла Сатмаханова – «Жамбыл облысы әкімдігі денсаулық сақтау басқармасының Жұқтырылған иммун тапшылығы синдромының алдын алу және оған қарсы күрес жөніндегі Жамбыл облыстық орталығы» КМҚҚ бас мейірбикесі, комиссия құрамы, хатшы.
Байқау 2 турдан, 4 кезеңнен құралған:
1-ші кезең — сəлемдесу. 2-ші кезең — теориялық білім деңгейін бағалау. 3-ші кезең — Блиц-турнир «Медициналық тақырыптағы атаулы күндер», «Медициналық терминология» тақырыптарында. 4-ші кезең — тəжірибелік дағдыларды бағалау, Аймақтық симуляциялық орталықтың клиникалық станцияларында, симуляциондық құралдарды қолдану арқылы (манекендер, симуляторлар, фантомдар, муляждар) жүргізіледі.
Облыстық кəсіби байқауға 14 медициналық ұйымдардың облыстық жəне аудандық мейірбикелері қатысты.
Байқау соңында комиссия мүшелерінің, сарапшылар мен əділ-қазылардың қорытынды ақпартізімі бойынша қатысушылар арасында жеңімпаздар анықталып, ең жоғары балл санын жинаған белсенді қатысушы – Жамбыл облыстық жұқпалы аурулар ауруханасының мейірбикесі Советова Арайлым Болатбекқызы І-ші орын иегері атанды.ІІ-орын Меркі аудандық орталық ауруханасы оңалту орталығының мейіргері Имашева Айнұр Бейбітқызына бұйырды. ІІІ-орынды Мойынқұм аудандық орталық ауруханасының инфекциялық бөлімше мейіргері Тилеухорова Насихат Ергенбайқызы мен қалалық көпбейінді ауруханасы нейрохирургия бөлімшесінің мейіргері Көпбосынова Балнұр Ерболқызы өзара бөлісті.
Барлық жеңімпаздар «SENIM» Денсаулық сақтау жүйесі жұмыскерлердің салалық кəсіптік одағы» РҚБ Жамбыл облыстық филиалы жəне «Жамбыл облысы Мейіргер ісі мамандарының кəсіби бірлестігі» ҚБ тарапынан диплом жəне бағалы сыйлықтармен марапатталды.
