«Үстіне металл контейнер құлаған»: Ақтөбеде қоқыс шығаратын компанияның 38 жастағы қызметкері қаза тапты

Ақтөбеде 1 қаңтар күні қоқыс шығаратын компанияның 38 жастағы қызметкері жұмыс орнында қайтыс болды. Деректерге сай оның үстіне металл контейнер құлаған, деп хабарлайды Stan.kz ақпарат агенттігі Polisia.kz Telegram арнасына сілтеме жасап.

Қайғылы оқиға Сәңкібай батырдың бойындағы үйдің ауласында орын алған. КамАЗ-да қоқыс контейнерін тиеу кезінде көтергіші істен шығып, металл котейнер әйелдің үстіне құлаған.

Зардап шегуші Ақтөбе облыстық көпсалалы ауруханасында бірнеше сағаттан соң көз жұмды. Полицейлер еңбек қауіпсіздігін бұзу фактісі бойынша тергеу жұмыстарын бастады.

Аталған факті бойынша 156 ҚР Қылмыстық кодексінің 3-бөлігі «Еңбекті қорғау ережелерін бұзу» бойынша сотқа дейінгі тергеу амалдары басталды.

https://stan.kz/ustine-metal-konteyner-kylagan-aktobede-kokis-shigarati-375652/