Сыбайлас жемқорлыққа қарсы іс-қимыл агенттігі «Қазақстан темір жолы» АҚ қызметіне талдау жүргізеді

Сыбайлас жемқорлыққа қарсы іс-қимыл агенттігі «Қазақстан темір жолы» ҰК» АҚ қызметіндегі сыбайлас жемқорлық тәуекелдеріне сыртқы талдаудың басталғанын мәлімдеді, деп хабарлайды Stan.kz ақпарат агенттігі.

Агенттік ұсынған ақпаратқа сәйкес, сыртқы талдауды Агенттіктің, Ұлттық компанияның, мүдделі мемлекеттік органдардың мамандары және азаматтық қоғам өкілдері жүргізеді.

“Талдау барысында темір жол саласында сыбайлас жемқорлық құқық бұзушылықтардың жасалу себептері мен жағдайлары зерделенеді. Бұл ұлттық оператор қызметінің тиімділігіне, бұрын мемлекеттік бюджеттен және Ұлттық қордан алынған қаражаттың жұмсалуына әсер етеді”, – делінген хабарламада.

Сыбайлас жемқорлыққа қарсы іс-қимыл агенттігі жемқорлық тәуекелдері туралы ақпарат және талданып отырған саланы жетілдіру бойынша ұсыныстар болған жағдайда, abdrakhmanov.n@antikor.gov.kz электрондық поштаға жіберуді сұрайды.

https://stan.kz/sibaylas-zhemkorlikka-karsi-is-kimil-agenttigi-kazaksta-368696/