Бүгін Жамбыл облысы бойынша Қылмыстық-атқару жүйесі департаментіне қарасты №59 мекемесінде жеке құрам арасында профилактикалық түсіндіру жұмыстары ұйымдастырылды. Іс-шараға Жамбыл облысы Полиция департаментінің Өзіндік қауіпсіздік тобының жедел уәкілі, әділет капитаны Нұрдос Маратұлы қатысып, сыбайлас жемқорлықтың алдын алу және қызметтік әдеп нормаларын сақтау мәселелері бойынша түсіндіру жұмыстарын жүргізді.
Кездесу барысында сыбайлас жемқорлық құқық бұзушылықтарының алдын алу, олардың құқықтық салдары, қызметкерлердің жауапкершілігі туралы айтылып, заң талаптарын қатаң сақтау қажеттілігі атап өтілді. Сонымен қатар тұрғын үй төлемақысының тәртібі, оны тағайындау шарттары және қажетті құжаттар жөнінде толық ақпарат берілді.
Аталған іс-шара “Заң және тәртіп” қағидаттарын іске асыру аясында өткізіліп, жеке құрам арасында заңдылықты сақтау, адал қызмет ету және құқық бұзушылықтарға жол бермеу бағытында кең көлемді түсіндірме жұмыстары жүргізілді.
