Биыл әділдігі мен ақылдығы ел жадында сақталып қалған үлкен бедел иесі, исі қазақ атаулының мақтанышына айналған Сыпатай Әлібекұлының туғанына 240 жыл.
Сыпатай сексен бес жыл жасаған өмірінің саналы алпыс жылын күрес-тартыспен өткізіп, шапқыншылықты күнде ерлігін, бейбіт күнде мәмлегер әділдігін танытып, халқына қалтқысыз қызмет еткен ерлердің бірі.
Осы ретте, атаулы жылы Меркі ауданындағы мектептерде ашық сабақтар мен танымдық байқаулар ұйымдастырылса, мәдениет ошақтары мен кітапханаларда көптеген іс-шаралар өткізілді.
Меркіде аудан басшылары, ауыл қариялары мен зиялы қауым өкілдері Батыр баба Сыпатай Әлібекұлының кесенесіне барып ниет етті. Баба рухына Құран бағышталып, құрбандық шалынды.
Аудан әкімі Нұрсипатов Руслан Маратұлы сөз алып: «Сыпатай атамыздың найзаның ұшымен, білектің күшімен алып берген жер. Ел аман, жұрт тыныш болса – бәрі болады.
Кеңес одағы тарағаннан кейін қандай жағдай болғанын осы буын ағаларымыз бен апаларымыз нақты біледі. Сондай-ақ, 30 жыл ішінде Елбасы еліміздің толағай табыстар мен жетістіктерге жету үшін үлкен үлес қосып атсалысты.
Бүгінде Президентіміздің халықтың жағдайына көңіл бөліп, сабақтастық жолымен жалғастарған жұмыстарын әрдайым ел ішінде айтылып келеді.
Еліміз аман, бейбіт заман болсын.
Батыр бабаларымыз қорғап ұрпаққа амант еткен жерімізде тек бейбітшілік болсын. Егемендігіміз мәңгілік болсын» деп сөзін қорытындылады.
