Маусым айының 18-19 жұлдызында Қызылорда өңірінде облыс әкімінің кубогы үшін БАҚ өкілдері арасында жарыс өтеді. Республикалық бұл бәсекеге талай турнирлердің тұғырын бағындырған «Taraz Press» командасы да аттанды.
Сыр өңіріндегі спорттық сайысқаеліміздің әр аймағы мен бірқатар БАҚ ұжымдарынан бас-аяғы 10 команда қатысуға ниетті.
Әулиеаталық команданы бастап бара жатқан әріптесіміз Нұржан Туғанбай Қызылордаға өте жақсы ойын өрнегін көрсетіп жүрген командалар бара жатқанын айтады.
– Пандемиядан кейінгі кезеңде республикалық бірнеше доп додасы өтті. Сол жарыстарда чемпион атанып, жүлделі болып жүрген жақсы командалар Сыр еліне келе жатыр. Демек бұл жолы да ойын деңгейі жоғары болатыны сөзсіз. Жолдас болып кеткен әріптестерімізбен жолығып, алаңда ойын көркін қыздырып, жарақат алмай аман оралу басты мақсат болуы керек деп ойлаймын, – дейді команда капитаны.
Айта кетейік, турнир Қызылорда қаласының «Евразия» спорт кешенінде өтеді. Әріптестерге сәттілік тілейміз!
Диас Шаухаров
