Көкшетау қаласындағы тұрғын үйлердің бірінен өрт шыққан, деп жазды Шаңырақ инфо turkystan.kz.сайтына сілтеме жасап…
Жалын 4 отбасыға арналған барак түріндегі үйдегі пәтерлердің бірінде тұтанған.
Құтқарушылар өртенген пәтердің ішінен түтінге уланған ер адамды ес-түссіз күйінде тауып алған. Өрт сөндірушілер дереу реанимациялық әрекеттер жасап, ер адамды жедел жәрдем қызметкерлеріне тапсырды.
Өрт сағат 10:55-те толығымен сөндірілді. Өртті сөндіруге ТЖД 23 қызметкері мен 4 техника жұмылдырылды. Өрт электр сымдарының қысқа тұйықталуынан шыққан болуы мүмкін.
