«Талибан» саяси кеңсесінің өкілі Мұхаммед Наим «Әл-Маядин» телеарнасына берген сұхбатында қозғалыстың Қытаймен, Ресеймен және көршілес елдермен жақсы қарым-қатынаста екенін айтты.
«Қытай – біздің көршіміз, біз онымен жақсы қарым-қатынастамыз. Бұл Ресейге де қатысты», – деп хабарлады «Талибан» қозғалысының өкілі.
Наим Талибанның Иранмен, Қытаймен, Пәкістанмен және Өзбекстанмен бұрыннан қарым-қатынаста екенін және бұл елдер Батыс державаларынан айырмашылығы, талиgтердің билікке келгеніне алаңдамайтынын айтты.
«Біз қарым-қатынас орнаттық, біз Ауғанстанмен көршілес елдермен байланыстамыз және олардың дамығанын қалаймыз», – деп қосты «Талибан» өкілі.
Талибанның өкілі Забихулла Муджахид Түркиямен қарым-қатынас туралы айтып берді.
«Біз Түркиямен жақсы қарым-қатынас орнатқымыз келеді. Бірақ түрік сарбаздарының Ауғанстанға кіргенін қаламаймыз», – деді.
