Телеарна көрермендерінің көзайымына айналған «Түнгі студия» бағдарламасы қайта көрсетілетін болды. Бұл туралы жобаның алғашқы жүргізушісі, продюсер Нұрлан Қоянбаев жеткізді деп хабарлады turkystan.kz.
«Достар, «Түнгі студия» жобасы араға жылдар салып қайта оралмақ! @tungi_studia жазыламыз.
Көрерменнің көзайымына айналған әлем әртістері мен ел мақтаныштарын төріне шығарған халықтық бағдарламаны қайта іске қосу үшін үлкен жауапкершілік пен батылдық қажет болды. Сіздердің белсенді қолдауларыңыз аса маңызды.
Алғашқы эфирге кімді шақырамыз? Құрметті қонақ ретінде кімдерді көргіңіз келеді? Расын айтсам, Сіздермен бірлесе талқылауды жөн көрдім», – деп бөлісті Қоянбаев.
https://turkystan.kz/article/193869-tungi-studiya-bagdarlamasy-efirge-kayta-oralady/
