21 ақпан — Халықаралық ана тілі күніне арналған апталық жоспары аясында, жазушы драматург Оралхан Бөкейдің 80 жылдығына орай, аудандық халық шығармашылығы және мәдени демалыс орталығында «Төр Алтайдың асылы» атты көркемсөз оқу байқауы өтті.
Байқаудың мақсаты, қазақтың көрнекті қаламгерінің мерей тойын атап өту және мемлекеттік тілдің қолданыс аясын кеңейту, тіл мәдениетін көтеру, көркем әдебиетті насихаттау, талантты, талапты жастарды ұлықтау.
Байқауға мәдениет, білім саласының қызметкерлері мен мектеп оқушылары, жалпы 30 үміткер қатысты. Байқау номинациялары бойынша О.Бөкейдің прозалық және драмалық шығармаларынан үзінділер оқылды.
Байқау жеңімпаздары аудан әкімдігінің мәдениет және тілдерді дамыту бөлімінің дәрежелі дипломы мен алғысхатымен марапатталды.
