Диагноз бауыр обыры. Қатерлі сырқатпен бетпе-бет келгенде, көпшілік күресін ерте доғарады. Бірақ бұл науқас — тоқтаған жоқ.
«2021 жылдан бастап, мақсатты химиотерапия, 5 курс химиоэмболизация алды. Ем қабылдау кезеңінде ісіктің көлемі азайды, КТ қорытындысы бойынша ісік процесінде жартылай шегініс байқалды. 2025 жылдың 3 сәуірінде Шымкент қаласында, Түркістан облыстық клиникалық ауруханасында, МӘМС жүйесі аясында науқасқа бауырдың оң жақ гемигепатэктомиясы отасы жасалды», делінген хабарламада.
Шеберлік сабақ-отасы АО «Ұлттық ғылыми хирургия орталығы» басқарма төрағасы, Қазақстан Республикасының бас хирургі, медицина ғылымдарының докторы, профессор, Ресей медицина ғылымдары академиясының академигі, Дүниежүзілік гепатохирургтар қауымдастығының мүшесі Болатбек Бимендеұлы Баймаханов қатысты. Ота сәтті өтті.
Бұл жеңіс — дәрігерлердің кәсіби шеберлігінің, жақындарының қолдауы мен науқастың ерік-жігерінің нәтижесі,- дейді ақ халатты жандар.
Ота жасаған хирургтер:
• Баймаханов Болатбек Бимендеевич
• Ділдәбеков Жанболат Бердібайұлы
• Акбердиев Ержан Турарбекович
• Байдуллаев Нұрсұлтан Нұрланұлы
• Аймағанбетов Мақсұт Бақтыбергенұлы
• Нұрашев Әлімжан Темірханұлы
Анестезиолог-реаниматолог:
Пралиев Арман Русланұлы
Муталиев Есімхан Бейсентаевич
Фото: okb_turkestan
https://turkystan.kz/article/258297-tort-zyl-kuresken-turkistan-oblysynda-bauyr-obyryna-ota-zasaldy
