Азаматтардың қауіпсіздігін қамтамасыз ету, олардың мүлкін қорғау, табиғи және өзге апаттар жайында дер кезінде хабарлап, оның алдын алуда төтенше жағдай қызметіне артылатын жауапкершіліктің жүгі ауыр. Сондықтан, бұл саланы соңғы үлгідегі құтқару құрал — жабдықтарымен қамтамасыз етудің маңызы зор.
Былтыр Таластық құтқарушылардың технопаркі Жамбыл облысының әкімі Б.Сапарбаевтың қолдауымен су жаңа «Камаз» өрт сөндіру көлігімен толыққан болатын. Жыл өтпей, Қазақстан Республикасы Төтенше жағдайлар министрлігінің тарапынан Талас ауданы Төтенше жағдайлар бөліміне жаңа «Камаз-АЦ» арнайы автокөлігі берілді. Қатарға қосылған жаңа көліктер өрт сөндірушілердің жұмысын нәтижелі болуына септігін тигізбек. Бүгінгі таңда, ауданның өрт сөндіру қызметінде 8 өрт сөндіру техникасы бар. Оның 5-уі өрт сөндіру автокөліктері болса, қалғандары көмекші техникалар. Жалпы бөлім құрамы 31 өрт сөндіру қызметкерлерінен тұрады.
Талас ауданы әкімдігінің баспасөз қызметі
