Сарысу ауданы әкімдігінің ішкі саясат бөлімі кезекті онлайн сұхбатты оңтайландыруды қолға алды. Бұл жолы тікелей эфир қонағы аудандық Төтенше жағдайлар бөлімінің аға инженері, азаматтық қорғау аға лейтенанты Әділет Бекенов бөлімнің жеке жұмыс жоспары негізінде аудан аумағындағы өрттерді және басқа да төтенше жағдайларды болдырмау, материалдық зиянды азайту сияқты халықты әртүрлі төтенше жағдайлардан қорғауға қарсы бағытталған жұмыстар туралы ақпарат берді.
Эфир барысында аудан аумағындағы егістік алқаптарында орын алған өрттердің алдын алу, шомылу маусымындағы қауіпсіздік шараларын сақтау мәселелері, улы газбен улану салдары, ерікті өрт сөндіру жасақтарын құру туралы тақырыптар кеңінен қозғалып, 5 ай ішінде бөлім тарапынан атқарылған жұмыстарыдың есебі берілді.Сонымен қатар аталған мерзім аралығында өрт қауіпсіздік іс-шаралары бойынша 60 нысанға тексеріс жұмыстары жүргізілгендігін тілге тиек етіп, құқық бұзушылықтар бойынша бірнеше фактілердің анықталғандығын жеткізді.
Аудан тұрғындарымен кері байланыс орнату аудандық Төтенше жағдайлар бөлімінің басты міндеттерінің біріне айналған. Бөлім қызметкерлері ақпараттық парақшалар таратумен ғана шектелмей, бұқаралық ақпарат құралдары арқылы жергілікті баспасөзде — 22 мақала, инстаграм әлеуметтік желісіне — 115 материал жариялаған.Әділет Рахметуллаұлы тікелей эфир соңында бірнеше кеңес бере отырып, аудан тұрғындарын қауіпсіздік шараларын барынша сақтауға шақырды.
Сарысу ауданы әкімдігінің баспасөз қызметі
