«Біз бәріміз бір атаның – қазақ халқының ұлымыз. Бәріміздің де туған жеріміз біреу: ол қасиетті қазақ даласы. Бұл дүниеде біздің бір ғана Отанымыз бар: ол тәуелсіз Қазақстан».
Нұрсұлтан Назарбаев
Міне, биыл Қазақ елі тәңірі берген Тәуелсіздігінің, арайлы азаттығының жиырма отызыншы жылына қадам басып отыр.
Тәуелсіздік – ата-бабаларымыздың ұзақ күткен асыл арманы. Сол арманға қажырлы еңбек пен рухты ерліктер арқасында жеттік.
Биылғы жылы Тәуелсіздігіміздің 30 жылдығын атап өткелі отырған Қазақ елі бұл күні әлем таныған белді елге айналды. Мемлекетіміз ұзақ мерзімді стратегиялық жоспарлар, іргелі бағдарламалар қабылдап, солардың бәрін сәтті жүзеге асырып келеді. Алдағы мақсат – Тәуелсіздігімізді тұғырлы, мемлекетімізді ғұмырлы ету.
Осы орайда, Жамбыл облысы, Т.Рысқұлов ауданының жастары елімізде өтіп жатқан «Тәуелсіздіктің мен үшін маңызы» жобасына белсене қатысуда.
Аудан жастары қазіргі егеменді дәуірдің арқасында өздерінің жеткен жетістіктері туралы, өмір тарихтарымен бөлісуде. Аталған жобаға осы уақытқа дейін ауданның 150-ден аса жастары қатысып, жоба алдағы уақытта да өз жалғасын табатын болады.
Сондай ауданның белсенді жастарының бірі «Nur Otan» партиясының аудандық филиалы жанындағы «Jas Otan» жастар қанатының бөлімше басшысы Әбіләшім Ануарбеков:
— Тәуелсіздікті қадірлеу — бәрімізге борыш. Өйткені бұл ұғымның аясы кең, өресі биік. Түсіне білген жанның кеудесіне қуаныш орнататын сезім. Кешегі алаш алыптары Әлихан Бөкейхан, Міржақып Дулатов, Ахмет Байтұрсынұлы аталарымыз осы жолда жан аямай еңбек етті. Өмірін берді. Халқының арда ұлдарынының арманын жалғау үшін біз де тынбауымыз керек. Басты міндет — ілім мен білімді дамыту. Ғылымды ілгерілету. Жан-жақты біліктілікті арттыра беру қажет. Тәуелсіз елдің ұрпағы болғанымды мақтан етемін, — деп өз ойымен бөлісті.
Тәуелсіздік – кез келген мемлекеттің ең басты құндылығы. Жаңа ғасырдың басында біз ата-бабаларымыздың тәуелсіздік туралы ғасырлық арманын орындадық. Қазақстандықтар үшін 30 жыл — жай ғана мерекелік күн емес, бұл – табыстың, рух пен болашаққа деген ұмтылыстың белгісі.
Мөлдір Тастанбек
Т.Рысқұлов ауданы әкімінің баспасөз хатшысы
