Тұздың әкелетін зияны туралы айтқан кезде, сөз оны шамдан тыс қолдану жайлы болып отыр. Классикалық ас қоспасы екі құрамдас бөліктен тұрады:
Na – натрий;
Cl – хлор.
Адам ағзасы бастапқыдан-ақ 15г таза натрийден тұрады, бұған қоссымша хлорды қосатын болсақ, бір адамға 200-300 г NaCl аламыз. Бұл элементтерге қажеттілік ересек адамда тәулігіне 4-6 г құрайды, бұл адамның салмағы мен жас мөлшеріне байланысты болады, ал одан көп тұтынған жағдайда жойғыш әрекеттердің мөлшері белсенді болады.
Сонымен бірге тұтынып жүрген тұздың түрін есепке алу керек, аталған өнімді бірнеше санатқа бөлуге болады:
теңіз тұзы — натрий мен хлордан басқа оның құрамында біздің сүйегімізді қатайтатын және тері қабатына жағымды әсер беретін кальций және магний бар;
йодталған тұз — қалқанша безінің ауруларынан зардап шегетін адамғарға тұтынуға кеңес беріледі, бірақ ағзасында йод мөлшері көп адамдардың пайдалануына тиым салынады;
қара тұз — құрамында калий, күкірт, темір, йод және т.б. осы сияқты көптеген микроэлементтер кездесетін тазартылмаған табиғи тұз, оның танымал болмауының себебі – дәмі жағымсыз және бағасы қымбат;
емдәм тұзы — натрий мөлшері аз, бірақ магний мен калийдің мөлшері жоғары болып келеді, тірек-қимыл аппараттарының ауруларымен зардап шегетін адамдарға тұтынуға кеңес беріледі;
ас және тас тұзы — біріншісі сатылымға түсер алдында түрлі қалдықтардан тазаланатын, бірақ сонымен бірге бүкіл пайдалы микроэлементтері де кетіп қалатын тазартылған коммерциялық өнім болып табылады, сондықтан бұл өнімнің пайдалы жақтары мүлде жоқ десек те болады, ал екіншісі тұздың тазартылмаған түрі.
экстра тұз — құрамында тек пайдалы құрамдас бөліктерден басқа, натрий хлоридінің таза түрі болатындықтан, адам үшін өте қауіпті тұздың түрі болып табылады.
Осылардың барлығын ескере отырып, соңғы екі санаттағы тұз түрлерін тұтыну жағымсыз әсерлерге әкелетінін сенімді түрде айта аламыз, алайда сол теңіз, йодталған және қара тұздар медициналық және косметикалық мақсаттарда пайдаланылады. Теңіздер мен мұхит түптерінен жиналатын NaCl, әжімді кетуріге және тері түсін жасартуға көмектеседі.
