Шу аудандық мәдениет үйінде Қазақстан Республикасы Тәуелсіздігінің 30 жылдығы аясында «Туған жерім-дархан далам!» тақырыбында аудандығы ауыл күндері аясында Алға,Тасөткел ауылдық округтері күні өтті.
Ауылдық округтердің іс-шаралары мәдениет үйінің фойесінде мектеп оқушыларынан домбырашылар ансамбілінің өнерлерімен қонақтарды қарсы алды. Алға, Жайсан орта мектебінің қолданбалы қол өнер көрмесі, Сауранбаева Тұраркүлдің қолынан шыққан қазақ ұлттық бұйымдардың көрмесі және ауылшаруашылық өнімдері көрмесі халыққа ұсынылды.
Сонымен қатар, спорттық «Бокс», «шахмат» ойыны түрлері халыққа ұсынылды.
Ауыл көркемөнерпаздарының ұсынған концерт барысында домбырашылардың орындауында «Қосалқа» күйі, Ғ.Бірімқұлдың орындауында «Синяя вечность», Р.Сейткенов «Туған ел», «Мейірім» би тобының «Асылым» биі, вокал тобының «Туған ел» т.б көптеген әндер өнер сүйер қауым назарына ұсынылды.
