Жаңару күні сөзбе-сөз мағынада да, қоғамдық — саяси тұрғыда да «Өмірдің жаңаруын» бейнелейтін жаппай ағаш отырғызу шарасы. Бұл күн барша азаматтарды ортақ мақсаттарға жету жолында бірігуге және ынтымақта болуға үндейді. Ел өмірінде және әрбір қазақстандықтың өмірінде жаңа кезеңнің басталуын білдіреді.
Бүгін Наурызнама онкүндігі аясында «Жаңару күніне» орай, М.Әуезов жас ұрпаққа ағаш егу дәстүрін насихаттау үшін тал егу іс- шарасы өтті. Шараға аудан әкімі Сәкен Мамытов қатысып, құттықтау сөйлеп, Ұлыстың Ұлы күнінде тал егудің сауапты іс екендігін айтты. Мұнан соң аудандық ардагерлер кеңесінің төрағасы Серік Аппазов, білім саласының ардагері Сахарай Қырғызбаев пен Сарысу ауданының Құрметті азаматы Жамбыл Шәдиев сөз сөйлеп, елімізге амандық, саулық тіледі.Аудан әкімі Сәкен Үмбетұлы бастаған жиылған көпшілік ұйымшылдықпен мектеп аумағына тал отырғызып, аумақтың көгеріштендіруге үлестерін қосты. Мектеп бітіруші түлектер де игі шарада тал отырғызып, білім ұяларына өз қолтаңбаларын қалдырды.Тал егу шарасы концерттік бағдарламаға ұласып, жас өнерпаздар әуелете ән шырқап, көпшіліктің ықыласына бөленді. Көктемнің жаңарған күнінде киіз үй тігіліп, арнайы мерекелік дастарқан жайылды. Сонымен қатар, ұлттық спорттық ойындар: арқан тартыс пен тоғызқұмалақтан сайыс болып, Ұлыстың Ұлы күнінің рухы сезіліп тұрды.
