Мемлекетімізді берік тұғырына қондырған Тәуелсіздіктің 30 жылдық кезеңі, шежірелі ел тарихының маңызды бөлшегі болғаны даусыз. Сол қатарда жас мемлекеттің тамырына қан жүгірткен, тәуелсіздіктің алғашқы жылдары бастау алған, ел мен елді қауыштырған қазақ көшінің де алар орны ерекше.
Биыл, Тәуелсіздіктің 30 жылдығында Тәуелсіздіктің халқымызға берген басты игіліктерінің бірі – алыс және жақын шетелдерден қазақтардың Отанға оралуына жол ашылғанына да 30 жыл толмақшы. Еліміз өз еркіндігіне қол жеткізердің алдында, 1991 жылғы 18 қарашада Қазақ КСР Министрлер Кабинеті «Басқа республикалардан және шетелдерден селолық жерлерде жұмыс істеуге тілек білдіруші байырғы ұлт адамдарын Қазақстанда қоныстандырудың тәртібі мен шарттары туралы» арнайы қаулы қабылданды.
Осы орайда, Елбасының «Болашаққа бағдар: рухани жаңғыру» бағдарламалық мақаласының «Туған жер» жобасы аясында бүгін Талас ауданы, Ақкөл ауылы, Ақотау мөлтек ауданындағы № 4 үйден қандас 3 отбасыға пәтер кілттері табысталды. Аталған шараға аудан әкімі Қанатбек Мәдібек, аудандық мәслихаттың хатшысы Қадірбек Садубаев арнайы барып қатысты.
Аудан басшысы Қанатбек Қайшыбекұлы жаңа баспана иелерін қоныс тойларымен құттықтап, жылы лебізін білдірді.
Талас ауданы әкімдігінің баспасөз қызметі