Бұқаралық ақпарат құралдары қызметкерлері күні қарсаңында спорттық доданы береке қонып, құт дарыған Талас ауданы демеуші болып, бастап беріп еді. «Ақ жол» газетінің 100 жылдығы мен облыстың бас басылымын жиырма жыл жемісті басқарған Баттал Жаңабаев атындағы тастыаяқ тартысы басталар тұста тосыннан мынадай суретке түсіп қалыппыз.
Бүгін облыс әкімдігінің ішкі саясат, дене шынықтыру және спорт басқармаларының ұйымдастырумен Шерхан Мұртаза атындағы облыстық спартакиадасы мәреге жетіп, «Жамбыл-Тараз» газетінің ұжымы топ жарды. Жүлделі орындарды иеленген шығармашылық ұжымдар ақшалай сыйлыққа ие болды. Спорт түрлерінен олжа салған әріптестерге диплом мен естелік медаль тапсырылды. Олардың қатарында «Әулиеата-медиа» ЖШС-не қарасты газетер мен «Жамбыл-инфо» сайтындағы әріптестер де бар.
Ертеңгі мерекелеріңізбен қалам мен микрофонды тастамай, шаршы алаңның шаңын да шығарып жүрген әріптестер!
