Жыл басынан бері Жамбыл облысында бірінші сатыдағы соттармен 7913 азаматтық іс өндірісімен аяқталып, оның ішінде 4242 іс шешім шығарумен қаралған. Апелляциялық тәртіппен 16 шешімнің күші жойылған, 45 шешім өзгертілген. Жоғарғы Сотта кассациялық тәртіппен 4 шешімнің күші жойылған, 1 шешім өзгертілген. Жалпы бұзылған және өзгертілген шешімдер 67 (1,6%) құраған.
Бұл туралы ӨКҚ баспасөз алаңында өңірлік соттың азаматтық істер жөніндегі сот алқасының төрағасы Рүстембеков Жомарт айтты. Ол Талас, Сарысу, Мойынқұм соттарында бұзылған немесе өзгертілген сот шешімдері болмағанын атап өтті.
«Биыл 503 сот ұйғарымына жеке шағым түсіп, оның ішінде 75 немесе 14,9% ұйғарымның күші жойылды, 6 ұйғарым өзгертілген. Сондай-ақ 11 204 талап арыз түсіп, оның 2797-сі қайтарылған, 232 арыз қабылдаудан бас тартылған. Есепті мерзімде барлық қараусыз қалдырылған талап арыздар саны 922 құрады. Жамбыл облыстық сотының апелляциялық сот алқасымен бірінші сатыдағы соттың талап арызды қараусыз қалдыру туралы 5 ұйғарымының күші жойылды», — деді спикер брифингте.
Ол осы уақыт аралығында 145 азаматтық іс тоқтамға алынған да жеткізді. Тараз қалалық сотында — 78, экономикалық сотта — 12, Шу аудандық сотында 10 азаматтық іс жүргізу тоқтата тұруға алынған.Өңірлік коммуникациялар қызметі
