Халық балуаны Қажымұқан Мұңайтпасұлын еске алуға арналған қазақ күресінен 2002-2004 жылғы жасөспірімдер арасында дәстүрлі республикалық халық турнирі өтті. Жарыстың басты мақсаттарының бірі – Қазақстан Республикасында ұлттық спорт түрлерін дамыту арқылы салауатты өмір салтын қалыптастыру қағидаттарын насихаттау. Аталмыш турнир 2022 жылдың 22-24 ақпан күндері Қызылорда қаласының «Евразия» мәдени спорт кешенінде өтті.Еліміздің барлық аймағынан жиналған чемпионатқа барлығы 9 салмақ дәрежесінде өнер көрсеткен палуандардың арасында Талас ауданының атынан 60 келі салмақ дәрежесінде жерлесіміз Темірлан Нұрдәулет қатысып, жүлделі 2-орынға табан тіреді.
Батырымызды қолжеткен табыстарымен құттықтай отырып, алда да биіктерден көріне беруіне тілектеспіз.
Талас ауданы әкімдігінің баспасөз қызметі
